ზუსტად 10 წლის წინ, 2009 წლის 4 დეკემბერს, 139-მა ჟურნალისტმა საზეიმოდ მოაწერა ხელი ეთიკური ჟურნალისტიკის 11 პრინციპს და თქვა, რომ ამ სტანდარტების დაცვით იმუშავებდა;

ამ ამბიდან 10 წლის შემდეგ, ქარტიას 366 ხელმომწერი ჟურნალისტი ჰყავს.

10 წლის წინ, როდესაც ქარტია დაფუძნდა, საბჭო წელიწადში საშუალოდ 5 განცხადებას განიხილავდა, ახლა ეს რიცხვი 80-ს სცდება (მიმდინარე წელს, ამ დრომდე, საბჭოს უკვე განხილული აქვს 80 საქმე და განსახილველია კიდევ 9 საქმე);

დღეს ქარტიას მიმართავენ რიგითი მოქალაქეები, არასამთავრობო ორგანიზაციები, პოლიტიკოსები, საჯარო მოხელეები, მოსამართლეები და თავად ჟურნალისტები;

გაზრდილია ქარტიის, როგორც მედიასაშუალებებისა და ჟურნალისტების უფლებების დამცველი ორგანიზაციის როლი და გავლენა; ქარტიის ანგარიშზეა არაერთი ადვოკატირების კამპანია და არაერთი ინიციატივა მედიაგარემოს გაჯანსაღებისთვის;

ვულოცავთ 10 წლის იუბილეს ქარტიის წევრებსა და ყველა იმ ადამიანს, ვინც ფიქრობს, რომ საჭიროა, ქვეყანაში თვითრეგულირების დამოუკიდებელი ორგანო არსებობდეს.

#ქარტია10წლისაა