ხარაგაულის ისტორიულ მუზეუმში დღეს, 26 ნოემბერს, ახალგაზრდა თვითნასწავლი მხატვრის ბადრი ფილიშვილის პერსონალური გამოფენა გაიმართა.

ახალგაზრდა ხელოვანისთვის რეგიონში ეს პირველი გამოფენაა. ერთი თვის წინ მისი ნამუშევრები თბილისის საჯარო ბიბლიოთეკასა და ნიუ-იორკის ერთ-ერთ გალერიაში, სხვა ქართველ მხატვრების ნამუშევრებთან ერთად, გამოიფინა.

მხატვარი პარალელურად მუსიკითაა გატაცებული. ის რამდენიმე სიმღერის ავტორია.

გამოფენა დაათვალიერა ამერიკის ელჩის მოვალეობის შემსრულებელმა საქართველოში ელისაბეთ რუდმა, რომელიც ხარაგაულს გადაცემა „სხვა რაკურსის“ (ავტორი და წამყვანი გია ჯაჯანიძე) გადამღებ ჯგუფთან ერთად სტუმრობდა.