ხარაგაულში ინტელექტუალური კონკურსის „ვიცნობდეთ ხარაგაულს“ ზონალური ტურები დასრულდა. დაბა ხარაგაულის სკოლებს შორის გამარჯვებული ხარაგაულის გიმნაზიის გუნდი გახდა. დღევანდელ თამაშში გიმნაზიათან ერთად ხარაგაულის #2, #3, საღანძილისა და ლაშის საჯარო სკოლის გუნდები მონაწილეობდნენ.

კონკურსში „ვიცნობდეთ ხარაგაულს“ უკვე გამოვლენილია ზონალური ტურების გამარჯვებულები – ბორის, ვერტვიჭალისა და მოლითის საჯარო სკოლის გუნდები.

კონკურსის ფინალში ზონალურ ტურებში გამარჯვებულ გუნდებთან ერთად საუკეთესო შედეგის მქონე ერთი გუნდი ჩაერთვება. მუნიციპალიტეტის მასშტაბით მეორე ადგილზე გასულ გუნდებს შორის საუკეთრესო შედეგი ხარაგაულის #3 საჯარო სკოლის გუნდმა აჩვენა.

კონკურსი „ვიცნობდეთ ხარაგაულს“ ხარაგაულის სპორტისა და შიდა ტურიზმის ცენტრის (დირექტორი გრიგოლ ჭიპაშვილი) ხელშეწყობით ტარდება. კონკურსის ფინალი დეკემბერის ბოლოს გაიმართება.

ფოტოზე: დაბა ხარაგაულის ზონალურ ტურში გამარჯვებული გიმნაზიის გუნდი