დღეს, 22 ნოემბერს, ხარაგაულში ბაღდათი-ხარაგაულის მაჟორიტარი დეპუტატის, კობა ლურსმანაშვილის ბიუროს დაბოქლომებას „ევროპული საქართველოს“ წარმომადგენლები შეეცადნენ.

ამ პარტიის წევრი გიორგი თაბუკაშვილი ამბობს, რომ საკუთარი აზრისა და პოზიციის გამოხატვა დეპუტატის ბიუროს შენობაზე ბოქლომის სიმბოლურად დადებით სურს.

„ევროპული საქართველოს“ წარმომადგენლებს დეპუტატის ბიუროს დაბოქლომების შესაძლებლობა ხარაგაულის მუნიციპალიტეტის საკრებულოს წევრებმა „ქართული ოცნებიდან“ არ მისცეს.

ბაღდათი-ხარაგაულის მაჟორიტარი დეპუტატი კობა ლურსმანაშვილი დეპუტატის ბიუროში არ იმყოფება.

სამართალდამცავები შენობასთან ამ დრომდე რჩებიან.