ღვაწლმოსილი პედაგოგი ვენერა კიკნაძე ახალი სასწავლო წლიდან ხარაგაულის N3 საჯარო სკოლიდან დამსახურებულად წავიდა. მისი შრომის შედეგს კი ეს სკოლა დღესაც იმკის.

გასულ სასწავლო წელს „კინგსის“ სასკოლო ოლიმპიადაში ვენერა კიკნაძის მოსწავლეებმა საუკეთესო წარმატებას მიაღწიეს.

მოსწავლეთა მაღალი ჩართულობისა და განსაკუთრებულად წარმატებული შედეგების გამო პედაგოგი ვერცხლის სერტიფიკატით დაჯილდოვდა, მოსწავლეები კი – სხვადასხვა ხარისხის დიპლომებით.

გვჯერა, ეს მოსწავლეები ვენერა კიკნაძის გაკვალული გზით ივლიან და კვლავაც ბევრ წარმატებას მიაღწევენ!

ფოტოები ხარაგაულის #3 საჯარო სკოლის ფეისბუქგვერდიდან