მთელი ქვეყნის მასშტაბით, მათ შორის ხარაგაულში, სექტემბერ-ოქტომბერში საუბნო საარჩევნო კომისიების პოტენციური წევრებისთვის ტრენინგები ჩატარდა. სწავლება #48 ხარაგაულის საოლქო საარჩევნო კომისიის ახალგარემონტებულ დარბაზში სპეციალურად გადამზადებულმა ტრენერებმა არჩილ ბლიაძემ და ინგა გლუნჩაძემ წარმართეს.

პროექტს ცესკოს სწავლების ცენტრი საქართველოს ყველა მუნიციპალიტეტში ახორციელებს. სამდღიან ტრენინგზე მონაწილეები კენჭისყრის დღის პროცედურებსა და საუბნო საარჩევნო კომისიის ფუნქციებს გაეცნენ.

ტრენინგის მონაწილე ლია კალანდაძე ამბობს, რომ მიღებულ ცოდნას მომავალ არჩევნებში საუბნო საარჩევნო კომისიის წევრად არჩევის შემთხვევაში გამოიყენებს.

„ტრენინგზე მიღებული სერთიფიკატი საუბნო საარჩევნო კომისიის წევრთა შესარჩევი კონკურსის დროს მნიშვნელოვანია და ტრენინგგავლილ კონკურსანტს უპირატესობას ანიჭებს“, – ამბობს ტრენერი არჩილ ბლიაძე.