ხარაგაულის სკოლამდელ დაწესებულებათა გაერთიანებას რიგით მეთვრამეტე საბავშვო ბაღი შეემატა.

სარგვეშში საბავშვო ბაღი არასდროს ყოფილა. შარშან ამ სოფლის მაჟორიტარი დეპიტატის, რუსუდან გიორგაძის, ინიციატივითა და ძალისხმევით, სარგვეშის სკოლის შენობაში სასკოლო მზაობის ჯგუფი ამოქმედდა.

ხარაგაულის ადგილობრივი ხელისუფლებისა და სკოლამდელ დაწესებულებათა გაერთიანების ერთობლივი გადაწყვეტილებით, 23 სექტემბერს სარგვეშში თორმეტი აღსაზრდელისთვის საბავშვო ბაღი გაიხსნა.

სკოლამდელი სასწავლო დაწესებულების გახსნა, ადგილობრივი ხელისუფლების წარმომადგენელთა და სოფლის მაცხოვრებელთა აზრით, მიგრაციის პროცესს შეაფერხებს და სოფლიდან უკვე წასულ ახალგაზრდა ოჯახებს უკან დაბრუნების სურვილს გაუჩენს.