მუნიციპალური განვითარების ფონდის მიერ ღორეშა-ბაზალეთის გზის სარეაბილიტაციოდ განმეორებით გამოცხადებული ტენდერი შედგა.

ამჟამად შერჩევა-შეფასების პროცესი მიმდინარეობს.  სამშენებლო კომპანია შპს  „კავკასუს როუდ პროჯექტი“ ამ გზის რეაბილიტაციას 8 730 100 ლარად აპირებს.

ივნისში გამოცხადებული ტენდერი უარყოფითი შედეგით დასრულდა იმის გამო, რომ მასში მონაწილე მშენებელს დისკვალიფიკაცია მიენიჭა. განმეორებითი ტენდერი, ისევე როგორც წინა, 9 403 676 ლარზე იყო გამოცხადებული.

ტენდერში გამარჯვებულმა კომპანიამ ღორეშა-ბაზალეთის გზის მშენებლობა ხელშეკრულების გაფორმებიდან ერთ წელიწადში უნდა დაასრულოს.

დაგეგმილია 10 570 მეტრი გზის მობეტონება, მდინარე ყარნებაზე ახალი ხიდის აგება.