ხარაგაულის #2 საჯარო სკოლის ინიციატივით, ხვალ, 11 სექტემბერს, 12:00-დან 13:00 საათამდე ხარაგაულის შემოსასვლელიდან ცენტრამდე ველორბოლა მოეწყობა.

„ამ აქციით ხარაგაული შეუერთდება კლიმატის ცვლილების საერთაშორისო დღეს და ჩვენ წვლილს შევიტანთ ბუნებაზე მზრუნველობაში, – ნათქვამია ხარაგაულის #2 საჯარო სკოლის ეკო-კლუბ „მწვანე სამყაროს“ მიერ გავრცელებულ განცხადებაში, – აქციაში მონაწილეობა შეუძლია ყველას, ვისაც ჰყავს ველოსიპედი, იცის მისი მართვა და უყვარს ბუნება.

გთხოვთ, შემოგვიერთდეთ და ხვალ დილის 120:00 სთ-ზე მობრძანდეთ ხანდებში, დევების ქანდაკებებთან!“

2019 წლის 11 სექტემბერს, ჰელსინკის ინიციატივით, კლიმატის ცვლილების საერთაშორისო დღე პირველად აღინიშნება.