ამის შესახებ მამუკა ბახტაძე ოფიციალურ ფეისბუქ-გვერდზე წერს.

„ჩემთვის იყო დიდი პატივი და, ამავდროულად, დიდი პასუხისმგებლობა, მემსახურა საქართველოს პრემიერ-მინისტრის რანგში ჩვენი ქვეყნის ინტერესების დასაცავად.
მე ვიყავი და ვიქნები „ქართული ოცნების“ გუნდის წევრი და ჩვენი ქვეყნის ერთგული ჯარისკაცი.

მსურს, მადლობა გადავუხადო ჩემს წინამორბედებს და წარმატება ვუსურვო მომავალ პრემიერ-მინისტრს,“ – წერს მამუკა ბახტაძე.

ყოფილი პრემიერ-მინისტრი ფეისბუქგვერდზე ვრცლად საუბრობს ამ თანამდებობაზე მუშაობისას მისი საქმიანობის შესახებ და აღნიშნავს, რომ დღეს, 15:00 საათზე ამ და სხვა საკითხებზე მედიის წარმომადგენლებთან ყველა შეკითხვას უპასუხებს.

მამუკა ბახტაძე საქართველოს პრემიერ-მინისტრის პოსტს 2018 წლის 20 ივნისიდან იკავებდა.