მუნიციპალური განვითარების ფონდმა ჭიათურის მუნიციპალიტეტის სოფელ ითხვისში, საჩხერის მუნიციპალიტეტის სოფელ კორბოულსა და მერჯევში საბავშვო ბაღების პროექტის მოსამზადებლად და ასაშენებლად ტენდერი გამოაცხადა.

ტენდერი 17 აგვისტოს 2 310 000 ლარზე გამოცხადდა. ამჟამად სატენდერო კომისიის მიერ ტენდერში მონაწილე სამშენებლო კომპანიის შერჩევა-შეფასება მიმდინარეობს.

სამი საბავშვო ბაღის საპროექტო დოკუმენტაციის მომზადებასა და მშენებლობას ერთობლივი საქმიანობის ამხანაგობა „ბილდინგ ჰაუს და კარკასი“ 2 245 540 ლარად გეგმავს.

ტენდერში გამარჯვებულმა კომპანიამ საპროექტო-სახარჯთაღრიცხვო დოკუმენტაცია ხელშეკრულების გაფორმებიდან სამ თვეში უნდა მოამზადოს, ხოლო ამ პროექტის მიხედვით მშენებლობა 8 თვეში უნდა დაასრულოს.

ფოტოებზე: მერჯევის საბავშვო ბაღის აღსაზრდელები