ჩუმათელეთი-ხარაგაული-ძირულას საავტომობილო გზის რეაბილიტაციის პროექტის განხორციელება დაიწყო. პროექტის დონორია აზიის განვითარების ბანკი.

ამჟამად ტექნიკური ჯგუფი აწარმოებს დაპროექტებას.

ხვალ, 21 მაისს, ხარაგაულში დაინტერესებულ პირებთან შეხვედრას გამართავს ამ პროექტის ხელმძღვანელი არი კალიოკოვსკი.

ეს ინფორმაცია პარლამენტარმა ნოდარ ებანოიძემ მოგვაწოდა. მისი ინფორმაციით, პროექტის ხელმძღვანელი ისაუბრებს პროექტის მიმდინარეობასა და ტექნიკურ პარამეტრებზე, უპასუხებს დაინტერესებული ადამიანების შეკითხვებს.

შეხვედრა გაიმართება 21 მაისს, 13 საათზე, ადმინისტრაციული შენობის პირველ სართულზე, დეპუტატის ბიუროს საკონფერენციო დარბაზში.