მარიამობის დღესასწაულისთვის ხარაგაულის თორმეტი მოციქულის ახლადგახსნილ ტაძარში მწუხრის ლოცვები 27 აგვისტოს, 17 საათზე, აღევლინება, ხოლო 28 აგვისტოს სადღესასწაულო წირვა ლაშის ღვთისმშობლის მიძინების სახელობის ტაძარში 9 საათზე დაიწყება.

ამის შესახებ ხარაგაულის თორმეტი მოციქულის სახელობის ტაძრის წინამძღვრმა მამა თომამ (ლაცაბიძე) მრევლს 25 აგვისტოს საკვირაო ქადაგებაზე აუწყა.

ფოტოებზე: პეტრე-პავლობის დღესასწაულის სამეუფეო წირვა ხარაგაულის ახლადგახსნილ ტაძარში; ლაშის ღვთისმშობლის ეკლესია.