ღორეშა-ბაზალეთის გზის სარეაბილიტაციოდ გამოცხადებული ტენდერი შედგა.

ტენდერში მონაწილე შპს „მამისონმა“ (გენერალური დირექტორი ირაკლი ჭკადუა) გზის რეაბილიტაცია 9 352 606 ლარად ივალდებულა.

მუნიციპალური განვითარების ფონდს ტენდერი ამ გზის მშენებლობისთვის 9 403 676 ლარზე ჰქონდა გამოცხადებული.

ტენდერში გამარჯვებულმა კომპანიამ ღორეშა-ბაზალეთის გზის მშენებლობა ხელშეკრულების გაფორმებიდან ერთ წელიწადში უნდა დაასრულოს. დაგეგმილია 10 570 მ გზის მობეტონება, მდინარე ყარნებაზე ახალი ხიდის აგება. მოეწყობა ლითონის წყალმრიდი მილები მიერთებებსა და ეზოში შესასვლელებში, გაბიონის საყრდენი კედლები.

ამ გზის რეაბილიტაციას ევროპის საინვესტიციო ბანკი აფინანსებს.

ფოტოზე: ხიდი მდინარე ყარნებაზე