თბილისში ჯანმრთელობის მსოფლიო ორგანიზაციის (ჯანმო) წარმომადგენლები იმყოფებიან კიბოს კონტროლის საკითხებზე. ვიზიტის მიზანია საქართველოში ონკოლოგიური დაავადებების პრევენციის თანამედროვე მიღწევებისა და გამოწვევების გაცნობა და შესაბამისი რეკომენდაციების შემუშავება.

მისიის შემადგენლობაში შედის ოთხი ექსპერტი:

  • მერილის ანნ კორბექსი, ეპიდემიოლოგიისა და საზოგადოებრივი ჯანდაცვის დოქტორი, ჯანმრთელობის მსოფლიო ორგანიზაციის ტექნიკური ოფიცერი ონკოლოგიის საკითხებში;
  • როლანდო კამაჩო როდრიგესი, ონკოლოგი, დამოუკიდებელი ექსპერტი, 2009-2013 წლებში ატომური ენერგიის საერთაშორისო სააგენტოს (ვენა, ავსტრია), კიბოს კონტროლის კოორდინატორი და კიბოს თერაპიის სამოქმედო პროგრამის (PACT) ხელმძღვანელი;
  • სუზან ლიი კოჰენი, საზოგადოებრივი ჯანდაცვის კონსულტანტი, წარსულში ინგლისის სკრინინგის ხარისხის კონტროლის ნაციონალური ხელმძღვანელი;
  • ვიტალი სმელოვი, კიბოს კვლევის საერთაშორისო სააგენტოს მეცნიერ-თანამშრომელი, ახორცილებს ძუძუს კიბოს სკრინინგის პილოტური პროგრამის მომზადებასა და დანერგვას ბელარუსში.

აღნიშნულთან დაკავშირებით, 16 ივლისს დაავადებათა კონტროლისა და საზოგადოებრივი ჯანმრთელობის ეროვნული ცენტრის დიდ საკონფერენციო დარბაზში გაიმართა მრგვალი მაგიდის შეხვედრა, რომელშიც მონაწილეობდნენ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, დაავადებათა
კონტროლისა და საზოგადოებივი ჯანმრთელობის ეროვნული ცენტრის, ქ. თბილისის მერიის წარმომადგენლები და დარგის ექსპერტები.

ჯანმოს მისიის წევრები 17 და 18 ივლისს სამუშაო შეხვედრებს გამართავენ კიბოს მართვაში ჩართულ სხვადასხვა ეროვნულ ექსპერტებთან და სამედიცინო სერვისების მიმწოდებელ დაწესებულებებში.

წყარო