მუნიციპალური განვითარების ფონდმა ღორეშა-ბაზალეთის საავტომობილო გზის მშენებლობისთვისტენდერი 9 403 676 ლარზე გამოაცხადა.

სატენდერო წინადადებები 19 ივლისამდე მიიღება. ტენდერში გამარჯვებულმა კომპანიამ კი ამ გზის მშენებლობა ხელშეკრულების გაფორმებიდან ერთ წელიწადში უნდა დაასრულოს.

დაგეგმილია 10 570 მ გზის მობეტონება, მდინარე ყარნებაზე ახალი ხიდის აგება. მოეწყობა ლითონის წყალმრიდი მილები მიერთებებსა და ეზოში შესასვლელებში, გაბიონის საყრდენი კედლები.

ამ გზის რეაბილიტაციას ევროპის საინვესტიციო ბანკი აფინანსებს.