ხარაგაულის მუნიციპალიტეტის სოფელ ვერტყვიჭალაში ხარაგაულის მოსწავლე-ახალგაზრდობის სახლთანარსებულმა სამუსიკო სტუდია „ჰარმონიამ“ შემაჯამებელი კონცერტი გამართა.

ვერტყვიჭალის სამუსიკო სტუდია, უკვე მე-4 წელია, „ჰარმონიას“ შეუერთდა. მეორე წელია, დასკვნით კონცერტზე ხარაგაულელი მოსწავლეები ვერტყვიჭალელ ნორჩ პიანისტებს სტუმრობენ.

კონცერტზე შესრულდა ქართველი და უცხოელი კომპოზიტორების ნაწარმოებები. სამუსიკო სტუდიის მოსწავლეებმა ანსამბლები პედაგოგებთან – ციური ბლუაშვილი და გულნაზი აბრამაშვილი – ერთად შეასრულეს.

ხარაგაულის მოსწავლე-ახალგაზრდობის სახლის დირექტორმა მაია ბლუაშვილმა მონაწილეებს მადლობა გადაუხადა და პედაგოგებს სიმბოლური საჩუქრები გადასცა.

სტუდია „ჰარმონია“ ხარაგაულში არსებობის 18 წელს ითვლის. მეათე წელია, „ჰარმონია“ ხარაგაულის მოსწავლე-ახალგაზრდობის სახლთან ფუნქციონირებს.

სამუსიკო სტუდიაში სულ 29 მოსწავლე ირიცხება.

.