ხარაგაულის კინოთეატრში ოთარ აბაშიძის სახელობის სახალხო თეატრი 5 ივნისს, 18:00 საათზე, პრემიერას გამართავს.

წარმოდგენილი იქნება მწერალ გურამ დოჩანაშვილის პიესის მიხედვით რეჟისორ ირინე ჩხეიძის მიერ დადგმული სპექტაკლი „ხორუმი ქართული ცეკვაა.“

სპექტაკლის რეჟისორის ინფორმაციით, პრემიერაზე გურამ დოჩანაშვილს ელოდებიან.

7 ივნისსს ეს სპექტაკლი ხარაგაულში განმეორებით გაიმართება. 8 ივნისს კი ხარაგაულის სახალხო თეატრი ამ სპექტაკლით იმერეთის თეატრალურ ფესტივალზე „თეატრალური იმერეთი 2019“ წარსდგება.