არასამთავრობო ორგანიზაცია „ქალები ქვეყნის მომავლისთვის“ ახორციელებს პროექტს „პოლიეთილენი დიოქსინ-ფურანების წარმოშობის წყარო და მასთან ბრძოლა საზოგადოების მხარდაჭერით.“ ორგანიზაციის დამფუძნებლის, ხათუნა მანჯავიძის ინფორმაციით, პროექტის წარმატებისთვის ძალიან მნიშვნელოვანია საჯარო სკოლების აქტიურობა და ჩართულობა. „ძალიან კარგი იქნება, თუ მოეწყობა მოსწავლეების მიერ დასუფთავების აქციები და შეგროვდება გარემოში გადაყრილი პოლიეთილენის ბოთლები,“ – ამბობს ხათუნა მანჯავიძე. მისივე თქმით, თუ ოთხი ტონა პოლიეთილენის ბოთლები შეგროვდება, ორგანიზაცია დააფინანსებს სკოლების საჭიროებებს.

ხათუნა მანჯავიძის ინფორმაციით, პროექტთან დაკავშირებით, სავარაუდოდ, 10-11 მაისს, ქიმიისა და ბიოლოგიის მასწავლებლებისთვის ტრენინგი ჩატარდება.