18 მაისიდან ხარაგაულის ინოვაციების ცენტრში დაიწყო ინოვაციების და ტექნოლოგიების სააგენტოს და ახალი ტექნოლოგიების ლაბორატორიის GeoLab ჯეოლაბის ერთობლივი ორთვიანი სწავლების პროექტი „გრაფიკული დიზაინის კურსი“.

კურსის მიზანია ინფორმაციული ტექნოლოგიების და ინოვაციური მეწარმეობის მიმართულებით ცოდნის ამაღლება, ასევე ერთ-ერთი მოთხოვნადი პროფესიის – გრაფიკული დიზაინის შესწავლის ხელშეწყობა. კურსი მთლიანად პრაქტიკული ხასიათისაა, რომლის გავლის შემდეგ მონაწილეებს ეცოდინებათ:

• Adobe Photoshop-ში გამოსახულების დამუშავება;
• Adobe illustrator-ში გრაფიკული პროდუქტის შექმნა და დამუშავება;
• პოლიგრაფიული პროდუქტის შექმნა და დასაბეჭდად გამზადება;
• გიფის აწყობა სხვადასხვა ტრენდული ვიზუალით;
• ბანერების, სავიზიტო ბარათების, ბროშურების და პოსტერების შექმნა;
• Product Icon – ის შექმნა, Material Design-ის წესების დაცვით და ნამუშევრის სწორად შეფუთვა.

გრაფიკული დიზაინის ლექციებს თათია გუგენიშვილი უძღვება.

ტრენინგი საქართველოს მასშტაბით 9 რეგიონში მიმდინარეობს.