ხარაგაულში ტრადიციად ქცეულ ანდრიაობის დღესასწაულში წელს საქართველოს ეკოტურიზმის ასოციაციის პროექტის ბენეფიციარები ჩაერთნენ.

პროექტის “სათემო ინიციატივაზე დაფუძნებული ტურისტული პროდუქტის განვითარება მდინარე შავიწყლის ხეობაში” მონაწილეებმა ეროვნული პარკის მარელისის უბანზე, წარმოადგინეს ადგილობრივი პროდუქტი, ტრადიციული სამზარეულო და სხვადასხვა ეთნოგრაფიული ნივთები.

დღესასწაულის მონაწილე ვიზიტორებს შესაძლებლობა ჰქონდათ დაეგემოვნებინათ და შეეძინათ წარმოდგენილი პროდუქცია.
პროექტი საქართველოს ეკოტურიზმის ასოციაციის მიერ, EWMI ACCESS მხარდაჭერით და USAID დაფინანსებით ხორციელდება.

მადლობა გვინდა გადავუხადოთ ბორჯომ-ხარაგაულის ეროვნული პარკის ადმინისტრაციას სივრცის დათმობისთვის“ – წერს საქართველოს ეკოტურიზმის ასოციაცია სოციალურ ქსელში.