ხარაგაულის მუნიციპალიტეტის სოფელ კიცხში 150 მოსწავლეზე გათვლილი სკოლის მშენებლობა იწყება. მუნიციპალური განვითარების ფონდმა ხელშეკრულება 8 მაისს 2 420 643 ლარზე გააფორმა ტენდერში გამარჯვებული ამხანაგობასთან – შპს „ინ-სი“ და შპს „ქალაქპროექტი“ (ამხანაგობის თავმჯდომარე ზვიად თოიძე).

ხელშეკრულების თანახმად, ტენდერში გამარჯვებულმა ამხანაგობამ ახალი შენობის პროექტი 5 თვეში უნდა მოამზადოს, ხოლო სკოლა – პროექტირებიდან ერთი წლის ვადაში უნდა ააშენოს.

გთავაზობთ კიცხის სკოლის ავარიული შენობის მდგომარეობის ამსახველ ფოტოებს.