მუნიციპალური განვითარების ფონდმა იმერეთის რეგიონში 14 საჯარო სკოლის რეაბილიტაციისათვის საპროექტო-სახარჯთაღრიცხვო დოკუმენტაციის მოსამზადებლად ტენდერი გამოაცხადა.

ტენდერში გამარჯვებულმა კომპანიამ ხარაგაულის მუნიციპალიტეტის სოფელ ვერტყვიჭალის, წყალაფორეთისა და მარელისის, ზესტაფონის მუნიციპალიტეტის სოფელ შორაპნის, ცხრაწყაროს, ქვედა საზანოს #3, მეორე სვირის #1, თერჯოლის მუნიციპალიტეტის სოფელ რუფოთისა და ქვედა სიმონეთის #2, ხონის მუნიციპალიტეტის სოფელ ბზვანის, ტყიბულის მუნიციპალიტეტის სოფელ ხრესილის, საჩხერის მუნიციპალიტეტის სოფელ მერჯევისა და ქალაქ სამტრედიის #4 საჯარო სკოლების სარეაბილიტაციოდ საჭირო საპროექტო დოკუმენტაცია უნდა მოამზადოს.

ტენდერი 460 325 ათას ლარზეა გამოცხადებული. საპროექტო ორგანიზაციებისგან სატენდერო წინადადებების მიღება 21 მაისიდან 25 მაისამდე გაგრძელდება.

ფოტოზე: ვერტყვიჭალის საჯარო სკოლა