2014 წლის ნოემბერში საქართველოში მოსახლეობის საყოველთაო აღწერა უნდა ჩატარდეს. ხარაგაულში 8 აპრილიდან დაიწყო და უახლოეს დღეებში დასრულდება აღწერის წინა მოსამზადებელი სამუშაოები. მუნიციპალური ზედამხედველის, ნიკოლოზ ფცქიალაძის ინფორმაციით, ხარაგაულის მუნიციპალიტეტში წინასწარ დატრენინგებული ოთხი ლოკალური ზედამხედველი და 37 აღმწერი ამზადებენ  მასალებს ნოემბერში ჩასატარებელი აღწერისთვის. კერძოდ, დგინდება დაკეტილი ოჯახების, შენობების რაოდენობა, რომელ ოჯახში რამდენი სული ცხოვრობს და ა. შ.  ამგვარი ინფორმაცია მოიძიება საყოველთაო აღწერის ეფექტურად ჩასატარებლად.