„სერიოზულად ვმუშაობთ ღორეშა-სარგვეში-ხარაგაულის გზის რეაბილიტაციის მისაღწევად, – ამბობს პარლამენტარი ნოდარ ებანოიძე, – ამ გზაზე უმძიმესი მდგომარეობაა. ფაქტობრივად, მიროწმინდაზე ჩავლა და სარგვეშში ავლა უკვე მაღალი გამავლობის მანქანითაც კი ძნელია. როგორმე უნდა დავარწმუნოთ აზიის განვითარების ბანკი, რომ ძირულა-ხარაგაული-ფონის საავტომობილო გზის მშენებლობის პროექტში მოაქციონ ხარაგაული-სარგვეში-ღორეშის გზის მშენებლობაც. ვიმედოვნებ, გამოვძებნით არგუმენტებს, რომ დონორი ორგანიზაციების ინტერესის სფეროში მოხვდეს ორი ცენტრალური საავტომობილო გზის შემაერთებელი ეს შიდა, საკმაოდ სერიოზული გზა.“