ხარაგაულის „სოსო და მურთაზ აბაშიძეების“ სახელობის საფეხბურთო სტადიონზე დღეს, 20 მარტს, დავით ყიფიანის სახელობის თასის გათამაშების ჯგუფური ეტაპის მორიგი მატჩი გაიმართა.

ერთმანეთს ხარაგაულის „ჩხერიმელა“ და ზესტაფონის „მარგვეთი“ შეხვდნენ. მატჩი ხარაგაულელთა გამარჯვებით ანგარიშით 3:2 დასრულდა. ჯგუფურ ეტაპზე „ჩხერიმელამ“ ასევე ხაშურის „ივერიას“ სძლია.

„ჩხერიმელას“ უფროსი მწვრთნელის, პაატა ლურსმანაშვილის ინფორმაციით, თასის გათამაშების შემდეგი ეტაპისთვის კენჭისყრა, სავარაუდოდ, 4 აპრილამდე გაიმართება.

წარმატებებს ვუსურვებთ ხარაგაულის საფეხბურთო გუნდს.