საკონსტიტუციო სასამართლო ხვალ, 7 მარტს, 12:00 საათზე, დაგროვებითი საპენსიო სისტემის თაობაზე შეტანილი საჩივრის დასაშვებობის საკითხს განიხილავს.

არასამთავრობო ორგანიზაცია „საქართველოს დემოკრატიული ინიციატივის“ დირექტორმა გიორგი მშვენიერაძემ და იურისტმა ედუარდ მარიკაშვილმა სისტემის გაუქმების მოთხოვნით საკონსტიტუციო სასამართლოში სარჩელი 8 იანვარს შეიტანეს. 

„ხვალ გამწესრიგებელი სხდომა გაიმართება, – ამბობს „ჩემი იმერეთის“ რედაქციასთან საუბარში გიორგი მშვენიერაძე, – სასამართლო გადაწყვეტს სარჩელის დასაშვებობის საკითხს – რა ნაწილში იქნება დასაშვები, სრულად, ნაწილობრივ თუ საერთოდ არ ცნობს დასაშვებად.

ამავე დროს საკონსტიტუციო სასამართლომ უნდა იმსჯელოს სადავო ნორმების მოქმედების შეჩერებაზე, სანამ სასამართლო შესაბამის გადაწყვეტილებას არ მიიღებს.“