სოციალურ ქსელში გავრცელდა ინფორმაცია, რომ ავსტრიაში რამდენიმე დღის წინ გაუჩინარებული სტუდენტი ანრი ლომიძე ფლორენციაშია და თავს კარგად გრძნობს.

ეს კარგი ამბავი ანრი ლომიძის ნათესავმა ლაშა გოგოლაძემ , რომელიც ამჟამად საფრანგეთში იმყოფება, დაგვიდასტურა.

„ანრის დეიდებს ვესაუბრე, რომლებიც ამერიკიდან იტალიასა და ავსტრიაში ჩამოვიდნენ, – ამბობს ლაშა გოგოლაძე, – ანრის დედა იტალიაში ჰყავს. ყველამ ძალიან ვინერვიულეთ“.

„მადლობა ანრი! ძალიან კი გვანერვიულე, მაგრამ ამდენი გულმხურვალე ლოცვის შემდეგ ყველა დიდ სიხარულს გვაზიარე. ეჭვიც არ მეპარებოდა, რომ ასე იქნებოდა, – წერს ლაშა სოციალურ ქსელში, – ნაცნობიც და უცნობიც ერთმანეთს ულოცავენ, რომ ანრი კარგადაა!
Facebooc-ში მილოცვების გიფები გაკეთდა უკვე. მიზანდასახული და პრინციპული კაცი. აბა შენ იცი, წარმატებები!“

ანზორ (ანრი) ლომიძემ 2013 წელს დაამთავრა ხარაგაულის მუნიციპალიტეტის ვერტყვიჭალის საჯარო სკოლა.