ქალთა საერთაშორისო დღის, 8 მარტისადმი მიძღვნილი ღონისძიებები ხარაგაულში 6 მარტს გაიმართება.

ეს ინფორმაცია ხარაგაულის მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახურის უფროს ირინე ჩხეიძესგან მოვიპოვეთ.

მისი ინფორმაციით, ხარაგაულის კინოთეატრის ფოიეში 6 მარტს 14:00 საათიდან გაიხსნება ხარაგაულელი ქალბატონების მიერ დამზადებული ნამუშევრების გამოფენა.

15:00 საათზე დაიწყება სამუსიკო სკოლასთან არსებული ვოკალურ-ინსტრუმენტული ანსამბლ „გრავეს“ კონცერტი.