უახლოეს პერიოდში ღორეშა-ბაზალეთის საავტომობილო გზის მშენებელი ორგანიზაციის გამოსავლენად ტენდერი გამოცხადდება.

ეს ინფორმაცია მუნიციპალური განვითარების ფონდის დირექტორის, გიორგი შენგელიასგან, მოვიპოვეთ.

„საპროექტო დოკუმენტაცია მომზადდა. პროექტირების პროცესში ამ გზაზე ხიდის რეაბილიტაციის საჭიროებაც გამოიკვეთა. ამიტომ საპროექტო დოკუმენტაცია ხელახლა მოვამზადეთ, – ამბობს გიორგი შენგელია, – უახლოეს მომავალში ტენდერი გამოცხადდება და გზის მშენებლობა დაიწყება.“

ღორეშა-ბაზალეთის საავტომობილო გზის რეაბილიტაციისა და ახალი სახიდე გადასასვლელის მშენებლობისთვის საჭირო დეტალური საპროექტო-სახარჯთაღრიცხვო დოკუმენტაცია შპს-მ „აიდიემი“ 90 999 ლარად მოამზადა.