სარემონტო სამუშაოებისთვის ტენდერი ცეტრალურმა საარჩევნო კომისიამ 113 947 ლარად გამოაცხადა.

ტენდერში შპს-მ „მშენებელი 2013“  გაიმარჯვა. კომპანიამ სამუშაოები 105 ათას ლარად უნდა შეასრულოს.

ამჟამად შენობის ნაწილობრივი დემონტაჟი მიმდინარეობს. გაილესება და მოპირკეთდება პირველი და მეორე სართულები. პირველ სართულზე საკონფერენციო ოთახი განთავსდება, მეორე სართულზე – თანამშრომელთა კაბინეტები. დამატებით, შენობის მარჯვენა მხარეს, საწყობი აშენდება და შენობის გარე ფასადი შეიღებება.

„მომავალი არჩევნებისთვის კომისიას საკუთარი საკონფერენციო დარბაზი ექნება და საუბნო საარჩევნო კომისიის წევრებისათვის ტრენინგებს ადგილზე ჩავატარებთ. გაუმჯობესდება თანამშრომელთა სამუშაო პირობები,“ – ამბობს #48 ხარაგაულის საოლქო საარჩევნო კომისიის თავმჯდომარე გია ცისკაძე.

სარემონტო სამუშაოები 18 მარტს უნდა დასრულდეს.