ხარაგაულის სპორტულ დარბაზში შაშში მუნიციპალური პირველობა გაიმართა.

შეჯიბრში ხარაგაულის მუნიციპალიტეტში მოქმედი სკოლების მოსწავლეები ჩაერთვნენ. ტურნირში 66 ვაჟი და 30 გოგონა მონაწილეობდა.

გოგონებს შორის პირველი ადგილი მარიამ მაქაძემ (ხარაგაულის #3 სკოლა) დაიკავა; მეორე  ადგილზე ელლა რამიშვილი (ღორეშის სკოლა) გავიდა, ხოლო მესამე ადგილზე – ქეთი გელაშვილი (ნადაბურის სკოლა).

ვაჟებს შორის პირველობა არავის დაუთმო ოლეგ გოლუბიანმა, (ღორეშის სკოლა) გავიდა; მეორე ადგილი წილად ხვდა გიორგი მეგრელიშვილს, (მარელისის სკოლა), მესამე ადგილი – ვალერი კაპანაძეს (საღანძილის სკოლა).

გამარჯვებულები სიგელებითა და ფასიანი საჩუქრებით დაჯილდოვდნენ.

ხარაგაულის სპორტისა და შიდა ტურიზმის ცენტრის დირექტორის, გრიგოლ ჭიპაშვილის, ინფორმაციით, 20 თებერვალს ხარაგაულის სპორტულ დარბაზში მაგიდის ჩოგბურთის შეჯიბრი გაიმართება.