ხარაგაულის მუნიციპალიტეტის მერიის ჯანდაცვისა და სოციალური უზრუნველყოფის სამსახურის უფროსის, ნანა კიკნაძის ინფორმაციით, 2019 წლიდან ხარაგაულში ორი ახალი პროგრამა ამოქმედდა.

საქართველოს ოკუპირებული ტერიტორიებიდან იძულებით გადაადგილებული ოჯახები (სულ 34 ოჯახი) ყოველთვიურად 20-20 ლარს კომუნალური გადასახადებისთვის მიიღებენ.

შეზღუდული შესაძლებლობის მქონე პირებს, რომლებიც მუდმივ მეთვალყურეობას საჭიროებენ და სახელმწიფოსგან ფულად სოციალურ შემწობას არ იღებენ, ხარაგაულის მუნიციპალიტეტის ადგილობრივი ბიუჯეტიდან ყოველთვიურად 30-30 ლარით დაეხმარებიან. ამ თანხას შშმ პირის მეურვე მიიღებს.

შეზღუდული შესაძლებლობის მქონე პირებისთვის ეს საჭიროება არასამთავრობო ორგანიზაცია „ნაბიჯი ხარაგაულის“ (ხელმძღვანელი რუსუდან გურგენიძე) პროექტის – „ჩვენ აქ ვართ“ განხორციელებისას გამოიკვეთა.

პროგრამაში ჩასართავად შშმ პირის მეურვემ მერიის ჯანდაცვისა და სოციალური უზრუნველყოფის სამსახურში უნდა წარადგინოს:

  • განცხადება,
  • შშმ პირის პირადობის მოწმობის ასლი,
  • მურვის/მომვლელის პირადობის მოწმობის ასლი,
  • მომვლელის/მეურვის საბანკო ანგარიშის ნომერი,
  • მერის წარმომადგენლის შუამდგომლობა,
  • ცნობა ჯანმრთელობის მდგომარეობის შესახებ,
  • ცნობა შშმ პირის სტატუსის განსაზღვრის შესახებ,
  • ამონაწერი სოციალური მომსახურების სააგენტოდან ოჯახის სარეიტინგო ქულის შესახებ.

ნინო კაპანაძე