ძირულა-ხარაგაულის საავტომობილო გზა უმძიმეს მდგომარეობაშია. უკმაყოფილებას გამოთქვამენ მძღოლები და მგზავრები.
მშენებელი კომპანია სარეაბილიტაციო სამუშაოების დასრულებას 2019 წლის შემოდგომისთვის გვპირდება.
მანამდე რომ გზა გავლადი იყოს, ვის ევალება ამის უზრუნველყოფა, – ამ შეკითხვით საავტომობილო გზების დეპარტამენტს მივმართეთ. დონორი ორგანიზაციების მიერ დაფინანსებული მშენებლობის მოდერნიზაციისა და რეკონსტრუქციის პროექტების მართვის სამსახურის უფროსის, გიორგი ერაგიასგან მოპოვებული ინფორმაციით, „გზის მშენებლობის დროს მშენებელ კომპანიას მოვლა-შენახვის სამუშაოების ვალდებულება არ აქვს. თუმცა, გზა გამტარუნარიანი უნდა იყოს. სამუშაოების წარმოებისას მგზავრებს დისკომფორტი შეექმნებათ, მაგრამ მშენებელი გაუვალ გზას არ დატოვებს.“
გიორგი ერაგიას ინფორმაციით, ძირულა-ხარაგაული-მოლითი-ჩუმათელეთის გზა საავტომობილო გზების დეპარტამენტს ეკუთვნის და თუ თვითმმართველობა მის მოწესრიგებას გადაწყვეტს, დეპარტამენტს უნდა შეუთანხმდეს.
ძირულა-ხარაგაული-მოლითი-ფონა-ჩუმათელეთის გზის მოვლა-პატრონობა საავტომობილო გზების დეპარტამენტის მიერ ტენდერით გამოვლენილ კომპანია „ბორანს“ ეკისრებოდა. გზის მშენებლობის დაწყების შემდეგ „ბორანს“ ეს ვალდებულება მოეხსნა.
ძირულა-ხარაგაული-მოლითი-ჩუმათელეთის გზის მშენებლობა 2021 წელს უნდა დასრულდეს.
ხარაგაულის წმინდა ანდრია პირველწოდებულის გიმნაზიის
ჯანმრთელობის მსოფლიო ორგანიზაციის ევროპის რეგიონული ბიურო 2024 წლის
დაბადებიდან 49 წლის იუბილეს ვულოცავთ მის ყოვლადუსამღვდელოესობას, მარგვეთისა და უბისის ეპისკოპოსს,
საქართველოს რკინიგზის ინფორმაციით, აღდგომის დღესასწაულთან დაკავშირებით, ბათუმისა და
„მაღალმთიან დასახლებებში