ხარაგაულის მუნიციპალიტეტის მერიისგან მოპოვებული ინფორმაციით, ხარაგაულის ადგილობრვი ბიუჯეტიდან საახალწლო ღონისძიებებისთვის სულ 32 985 ლარი დაიხარჯა.

მათ შორის,

  • ადმინისტრაციული შენობის წინ მოწყობილი ნაძვის ხისა და მისი მოსართავებისთვის – 6 100 ლარი;
  • ქუჩების საახალწლო განათებისთვის – 4 465 ლარი;
  • ღია ცის ქვეშ ჯგუფ „ოჩოს ქოხის“ საახალწლო კონცერტისთვის – 4 950 ლარი;
  • ზღაპრის გმირების სტუმრობა ხარაგაულში – 600 ლარი;
  • უკიდურესად გაჭირვებული 200 ოჯახისთვის – 10 ათასი ლარი.

დანარჩენი თანხა მოსწავლე-ახალგაზრდობის სახლისა და საბავშვო ბაღების საახალწლო ღონისძიებებზე ბავშვების დასაჩუქრებას, კონკურსის – „ვიცნობდეთ ხარაგაულს“ გამარჯვებულთა და დღის ცენტრ „ორიონის“ აღსაზრდელთათვის საჩუქრების შეძენას მოხმარდა.

ხარაგაულის მერიის თანამდებობის პირებსა და თანამშრომლებზე (სულ 140 პირზე) საახალწლოდ 56 010 ლარი გაიცა, სახელფასო დანამატის სახით.