ხარაგაულის მუნიციპალიტეტის მერიამ საახალწლოდ უკიდურესად გაჭირვებული 200 ოჯახისთვის, მთელი მუნიციპალიტეტის მასშტაბით, 10 ათასი ლარი გამოყო. თითოეულ უღატაკეს ოჯახზე 50 ლარი გაიცა.

ხარაგაულის მერიის თანამდებობის პირებსა და თანამშრომლებზე (სულ 140 პირზე) საახალწლოდ 56 010 ლარი გაიცა, სახელფასო დანამატის სახით, ხელფასის 50%-ის ოდენობით.

  • ხარაგაულის მერის პირველმა მოადგილემ საახალწლოდ, ხელფასთან ერთად, 850 ლარი მიიღო;
  • მერის მოადგილემ – 800 ლარი;
  • მერიის სამსახურების უფროსებმა დამატებით – 750-750 ლარი;
  • განყოფილების გამგეებმა – 600-600 ლარი და ა. შ. თანამდებობრივი სარგოების მიხედვით.

ხარაგაულის მუნიციპალიტეტის საკრებულოს თანამდებობის პირებსა და თანამრომლებზე 2018 წელს პრემია ან სახელფასო დანამატი არ გაცემულა.