ხარაგაულის მოსახლეობას დილიდან წყალი არ მოეწოდება. გაერთიანებული წყალმომარაგების კომპანიის ხარაგაულის სერვისცენტრის უფროსის, ტარიელ ავალიშვილის ინფორმაციით, სოფელ საღანძილეში წყლის ცენტრალური მაგისტრალი დაზიანდა. მიმდინარეობს აღდგენა და საღამოსთვის წყლის მოწოდებას გვპირდებიან.

ბოლო ორი თვეა, ხარაგაულის მოსახლეობას სასმელი წყალი შეზღუდულად მიეწოდება, რადგან წვიმის დროს ლეღვნის სათავე ნაგებობაში წყალი იმღვრევა. ტარიელ ავალიშვილი ამბობს, რომ ლეღვნის სათავე ნაგებობის მოწესრიგებას დიდი თანხა სჭირდება.