2019-2021 წლებში სკოლის დირექტორებსა და ადმინისტრაციულ პერსონალს ხელფასები გაეზრდებათ, – ამის შესახებ საქართველოს განათლების, მეცნიერების, კულტურისა და სპორტის მინისტრის მოადგილემ, ირინა აბულაძემ, თბილისის საჯარო სკოლების მასწავლებლებთან შეხვედრაზე 6 ნოემბერს განაცხადა. მანვე აღნიშნა, რომ „გაგრძელდება ხელფასების ზრდა მასწავლებლებისთვის. 2022 წლისთვის კი მასწავლებლის საშუალო ხელფასი მიაღწევს 1800 ლარს, ხოლო უმაღლესი საფეხურის მასწავლებლების ხელფასი – 2000 ლარს და მეტს. 2019 წლის სახელმწიფო ბიუჯეტის პროექტში თანხები უკვე გათვალისწინებულია“.

ირინა აბულაძის განცხადებით, ბევრი სიახლე ინერგება განათლების ხარისხის ასამაღლებლად; იმისათვის, რომ სკოლა უფრო საინტერესო და თანამედროვე გახდეს, მოზარდებს კრიტიკული და თავისუფალი აზროვნება განუვითარდეთ.

წყარო