სამუშაოებს ტენდერში გამარჯვებული სამშენებლო კომპანია Black Sea Group აწარმოებს.

ძირულა–ხარაგაული–მოლითი–ფონა ჩუმათელეთის გზის, ძირულა–მოლითის მონაკვეთის (კმ 0+000–კმ 24+620) რეაბილიტაციის პროექტის ფარგლებში ამ ეტაპზე მიმდინარეობს საფუძვლის ფენების მოწყობა საყრდენი კედლისთვის კმ1+475 დან კმ1+500მდე და ექსკავაცია საყრდენი კედლისთვის კმ2+710 დან კმ2+800მდე.

ძირულა-ხარაგაული-მოლითი-ფონა-ჩუმათელეთის 50 კილომეტრიანი საავტომობილო გზის რეაბილიტაცია არსებული გზის ფარგლებში განხორციელდება. საავტომობილო გზების დეპარტამენტისგან მოპოვებული ინფორმაციით, გზა იქნება 9 მეტრი სიგანის, რეაბილიტაცია ჩაუტარდება 5 ხიდს, აშენდება 4 ახალი ხიდი.

ამ გზის რეაბილიტაციას აზიის განვითარების ბანკი (ADB) 80 მილიონი აშშ დოლარით აფინანსებს. სამშენებლო სამუშაოები 2018-2021 წლებში განხორციელდება.