ჭიათურის აკაკი წერეთლის სახელობის პროფესიული სახელმწიფო დრამატული თეატრი 124-ე თეატრალურ სეზონს თბილისის საერთაშორისო თეატრალურ ფესტივალში მონაწილეობით იწყებს.

28 სექტემბერს, 20:00 საათზე, გრიბოედოვის თეატრის დიდ დარბაზში ჭიათურის თეატრი წარმოადგენს რეი კუნის ორმოქმედებიან კომედიას „მოუხელთებელი.“

პიესა გადმოაქართულა თამაზ გოდერძიშვილმა. დადგმის რეჟისორი და მუსიკალური გამფორმებელია თეატრის სამხატვრო ხელმძღვანელი მამუკა ცერცვაძე, მხატვარი – ბარბარა ასლამაზაშვილი, ტექნიკური რეჟისორი – მარინა პაპუშვილი.

სპექტაკლში 12მონაწილეობენ: თამარ ჯაჯანაშვილი, ხატია ბრაჭული, გია კენჭოშვილი, ამირან ნასყიდაშვილი, ანზორ ცაბაძე, გიორგი ჩაჩანიძე, თემურ ფირცხალაიშვილი, არჩილ ხვედელიძე.

თბილისის საერთაშორისო თეატრალური ფესტივალი 2009 წელს თბილისის მერიის მიერ დაფუძნდა.