საუბნო საარჩევნო კომისიები მთელი ქვეყნის მასშტაბით, მათ შორის #48 ხარაგაულის საარჩევნო ოლქში, 18 სექტემბრისთვის დაკომპლექტდა.

საარჩევნო კოდექსის თანახმად, საუბნო საარჩევნო კომისიებმა პირველი სხდომები 28 სექტემბრის ჩათვლით უნდა გამართონ. ამ სხდომებზე კომისიის თავმჯდომარე, მოადგილე და მდივანი უნდა აირჩიონ.

#48 ხარაგაულის საოლქო საარჩევნო კომისიის მდივნის, მაყვალა სულაქველიძის ინფორმაციით, ხარაგაულის 37 საარჩევნო უბანში კომისიის თავმჯდომარეებს, მათ მოადგილეებსა და კომისიის მდივნებს 26 და 27 სექტემბერს აირჩევენ. საუბნო კომისიების პირველ სხდომებს საოლქო საარჩევნო კომისიიდან ორ-ორი წევრი დაესწრება.