რიკოთის საუღელტეხილო გზის, ხევი-უბისას მონაკვეთის მშენებლობისთვის გამოცხადებულ საერთაშორისო ტენდერზე დაინტერესებული კომპანიების მიერ წარმოდგენილი წინადადებები გაიხსნა.

სატენდერო წინადადება ათმა კომპანიამ წარადგინა. შემდგომ ეტაპზე მათი წინადადებები განიხილება და დონორ ორგანიზაციასთან კონსულტაციით გამარჯვებული კომპანია გამოვლინდება.
პროექტის მიხედვით, ხევი-უბისას 12,2 კმ-იან მონაკვეთზე ოთხზოლიანი გზა აშენდება. აღნიშნულ მონაკვეთზე 35 ახალი ხიდისა და 18 გვირაბის მშენებლობა იგეგმება.

ასევე დაგეგმილია 3 სატრანსპორტო კვანძის მოწყობა. პირველი კვანძი ხუნევსა და ვერტყვიჭალას შორის მოეწყობა, მეორე კვანძი – საქასრიაში, ხოლო მესამე კვანძი – ბორითში.
ხევი-უბისას 12.2 კმ-იანი მონაკვეთის (II სექცია) მშენებლობას აზიის განვითარების ბანკი (ADB) აფინანსებს.

წყარო