259 კონკურსანტიდან 222 პირი შერჩეულია. #48 ხარაგაულის საოლქო საარჩევნო კომისიის თავმჯდომარე გია ცისკაძის ინფორმაციით, კონკურსანტთა შერჩევის პროცესში მონაწილეობაზე საოლქო კომისიის წევრებმა „ევროპული საქართველოდან“ და „ერთიანი ნაციონალური მოძრაობიდან“ უარი განაცხადეს.

გია ცისკაძის ინფორმაციით, 37 საარჩევნო უბნიდან 13 უბანში კონკურენცია არ ყოფილა. ეს უბნებია: #6 საქასრია, #12 თეთრაწყარო, #13 ლაშე, #14 ლეღვანი, #19 ქვები, #22 საბე, #23 საღანძილე, #27 ღორეშა, #29 წყალაფორეთი, #32 ხუნევი, #33 ვერტყვიჭალა, #36 ისლარი, #37 გედსამანია.

13 სექტემბრიდან 18 სექტემბრის ჩათვლით საუბნო საარჩევნო კომისიებში წევრებს პოლიტიკური პარტიები დანიშნავენ.