ხარაგაულის ანდრია პირველწოდებულის სახელობის სასულიერო გიმნაზიაში სარემონტო სამუშაოები მიმდინარეობს. ამის გამო გიმნაზიაში სწავლა პირველ ოქტომბერს დაიწყება.

I-VI კლასებში, ეროვნული სასწავლო გეგმის ცვლილებასთან ერთად, ამ კლასების სახელმძღვანელობი იცვლება. ხარაგაულის საგანმანათლებლო რესურსცენტრიდან მოპოვებული ინფორმაციით, გიმნაზიის სოციალურად დაუცველი მოსწავლეები ახალ სახელმძღვანელოებს უფასოდ მიიღებენ.

მარგვეთისა და უბისის ეპისკოპოსი მეუფე მელქისედეკი (ხაჩიძე) ამბობს, რომ დანარჩენი მოსწავლეების წიგნების უფასოდ მიღებაზე იზრუნებს.