საუბნო საარჩევნო კომისიების წევრთა შესარჩევ კონკურსში რეგისტრაცია დღეს, 6 სექტემბერს, 18:00 საათზე დასრულდა.

#48 ხარაგაულის საოლქო საარჩევნო კომისიის თავმჯდომარის, გია ცისკაძის ინფორმაციით, კონკურსში 260 პირი მონაწილეობს.

ხარაგაულის 37 საარჩევნო უბანზე საოლქო კომისიამ 260-დან 222 კონკურსანტი 8-დან 12 სექტემბრამდე უნდა შეარჩიოს.

გია ცისკაძის ინფორმაციით, საუბნო კომისიების წევრთა გამოსავლენად საოლქო საარჩევნო კომისიას სხდომის თარიღი ჯერჯერობით არ განუსაზღვრავს.

შეგახსენებთ, რომ 28 ოქტომბერს საქართველოში რიგით მეხუთე პრეზიდენტს ექვსი წლის ვადით ავირჩევთ.