30 აგვისტოს ხარაგაულში ამერიკის ელჩის მოვალეობის შემსრულებელი ელიზაბეთ რუდი გვესტუმრება.

ელჩის ვიზიტთან დაკავშირებით 10:30 საათზე ისტორიულ მუზეუმში პირველად საქართველოში გაიხსნება გამოფენა „ქართული დიასპორა ამერიკულ პრესაში.“ ეს უნიკალური მასალები რამაზ ბლუაშვილმა ამერიკაში მოიპოვა და შეაგროვა;

14:00 საათზე ხარაგაულის კინოთეატრში რამაზ ბლუაშვილის ფილმის „სიმღერა“ პრემიერა შედგება. ფილმი „ჩაკრულოს“ კოსმოსში გაშვების ისტორიასა და საქართველო-ამერიკის ურთიერთობებს ეძღვნება.

დღის ბოლოს ელიზაბეთ რუდი მეორე მსოფლიო ომის მონაწილე გიორგი (ჟორა) ბლუაშვილს შეხვდება, 31 აგვისტოს კი კურორტ ნუნისსა და ბერების კლდეს დაათვალიერებს.