რიკოთის საუღელტეხილო გზის – უბისა-შორაპანის მონაკვეთი – მშენებლობისთვის გამოცხადებულ საერთაშორისო ტენდერზე, დაინტერესებული კომპანიების მიერ წარმოდგენილი წინადადებები გაიხსნა.

სატენდერო წინადადება 8 კომპანიამ წარადგინა. შემოთავაზებული წინადადებების განხილვის შემდეგ, დონორ ორგანიზაციასთან კონსულტაციით, გამარჯვებული გამოვლინდება.

უბისა-შორაპანის მონაკვეთზე დაგეგმილია ცემენტ-ბეტონის 4 ზოლიანი 13 კმ-იანი გზის, 27 ხიდისა და 18 გვირაბის მშენებლობა. სამშენებლო სამუშაოებს ევროპის საინვესტიციო ბანკი აფინანსებს. პროექტი, სირთულისა და სამუშაოების მასშტაბით, საქართველოში უპრეცენდენტოა.

რიკოთის უღელტეხილზე, საერთო ჯამში, დაგეგმილია 51.6 კმ-მდე სიგრძის გზის მშენებლობა, რომელიც 96 ხიდსა და 53 გვირაბს მოიცავს.

რიკოთის საუღელტეხილო მონაკვეთის მოდერნიზება უმნიშვნელოვანესია საგზაო ქსელის განვითარებისა და თანამედროვე სტანდარტებთან შესაბამისობაში მოყვანის კუთხით.

წყარო