19 ივნისს ხარაგაულის ცენტრალური ბიბლიოთეკის ფარცხნალის სასოფლო განყოფილებაში მოეწყო თემატური ღონისძიება „ჩვენი ენა ქართული“.

ღონისძიება გახსნა სოფელ ფარცხნალის ბიბლიოთეკარმა ზოია გველესიანმა. მან აღნიშნა, რომ სოფელში მოსახლეობა მოკლებულია კულტურულ ღონისძიებებს და სწორედ ამიტომ გადაწყვიტა, რომ ერთი დღე მიუძღვნას დედაენას, ქართულ ენას.

ხარაგაულის N3 საჯარო სკოლის მე-4 კლასის მოსწავლეებმა ქართული ენის შესახებ შექმნილი პროზაული და პოეტური ნაწარმოებები წარუდგინეს მაყურებელს.

ღონისძიებაზე ანსამბლი „საუნჯე“ მრავალფეროვანი ქორეოგრაფიული და ხალხური სიმღერის რეპერტუარით წარსდგა დამსწრეთა წინაშე.

დასასრულს პედაგოგმა მერი გიორგიძემ მადლობა გადაუხადა ღონისძიების ორგანიზატორებს და მონაწილეებს.

ხარაგაულის კულტურისა და ხელოვნების ცენტრი