ხარაგაულის კინოთეატრის სცენაზე დღეს, 15 ივნისს, მოსწავლეთა სახლის (დირექტორი მაია ბლუაშვილი) ძველი და ახალი თაობის წარმომადგენლებმა ლამაზი და დახვეწილი კონცერტი წარმოადგინეს.

სიმღერებითა და ცეკვებით აღნიშნეს მოსწავლეთა სახლის აღსაზრდელებმა სასწავლო წლის დასრულება, წარმოაჩინეს მოსწავლეთა სახლის წრეების – საესტრადო სიმღერებისა და რიტმული ცეკვების – საქმიანობა.

ხარაგაულის მოსწავლეთა სახლი 20 ივნისს საკუთარ დარბაზში ლიტერატურული და გალობის წრის შემაჯამებელ ღონისძიებაზე გვეპატიჟება, ხოლო 22 ივნისს – სტუდია „ჰარმონიას“ კლასიკური მუსიკის კონცერტზე – ვერტყვიჭალაში.