„ორნი“ – ასე ეწოდება დრამატურგ მაკა კუკულავას პიესის მიხედვით დადგმულ სპექტაკლს, რომელსაც ხარაგაულის ოთარ აბაშიძის სახელობის სახალხო თეატრი წარმოგვიდგეს.
სპექტაკლის რეჟისორმა და სცენოგრაფიის ავტორმა ირინე ჩხეიძემ ჩვენი საზოგადოებისთვის დღეს ძალიან აქტუალური თემა – ოჯახური კონფლიქტი შეარჩია. სპექტაკლი ცოლ-ქმრის 30 წლიანი თანაცხოვრების შესახებ მოგვითხრობს.
„ოფიციალური გაყრის წინა ღამეს ცოლ-ქმარი აღმოაჩენს, რომ მათ თითქმის არაფერი იციან ერთმანეთის შესახებ, – ამბობს ირინე ჩხეიძე, – 30 წლის მანძილზე მათ გულახდილი საუბრისთვის, ფაქტობრივად, ვერ მოიცალეს. აქვთ ერთმანეთთან კომუნიკაციის პრობლემა. ამ სპექტაკლს მე კარდიოგრამას ვადარებ.
თუ რას გადაწყვეტს ცოლ-ქმარი ერთ წვიმიან ღამეში მძიმე საუბრების შემდეგ, ამას მაყურებელი 29 მაისს გაიგებს. დასაფიქრებელი სპექტაკლია და ჩემი აზრით, არაერთი ოჯახის ცხოვრებაში ხდება მსგავსი რამ. აღსანიშნავია, რომ სპექტაკლით „ორნი“ 2 ივნისს იმერეთის თეატრალურ ფესტივალზე უნდა წარვსდგეთ.“
სპექტაკლში მთავარ როლებს ასრულებენ ირინე ჩხეიძე და ვასილ კიკნაძე, ეპიზოდურ როლებში არიან ლია ჭიპაშვილი და გიორგი ჭიპაშვილი. სპექტაკლის მხატვარია გაიოზ შუბითიძე, მუსიკალური გამფორმებელი – ტექნომუსიკოსი ანა ჩხეიძე.
ხარაგაულის სახალხო თეატრი გელოდებათ 29 მაისს ხარაგაულის კინოთეატრში 18:00 საათზე.
ბილეთის ღირებულებაა სამი ლარი.
ხარაგაულის მუნიციპალიტეტის მერიის ჯანდაცვისა და სოციალური
ხარაგაულის მუნიციპალიტეტის მერიის ადმინისტრაციული
ხარაგაულის მუნიციპალიტეტის სკოლებში ღვაწლმოსილ პედაგოგებთან შეხვედრები მიმდინარეობს.
27 მარტი, თეატრის საერთაშორისო დღე ხარაგაულის ოთარ აბაშიძის
26 მარტიდან 27 მარტის დილამდე საქართველოში მოსალოდნელია